O día 23, data oficial da XVI Festa do Botelo no Barco, seis restaurantes ofrecerán aos visitantes botelo nos seus menús. Un menú que se repetirá ao día seguinte para completar o fin de semana gastronómico na vila. O obxectivo é ter máis opcións que a comida oficial no  pavillón de Calabagueiros do sábado para degustar este prato típico na vila no que a base é o estómago do porco recheo de costelas adubadas e despois afumado. Os locais forman parte da VI Ruta de Pinchos organizada dende as asociacións empresariais O Barco Aberto e Aeva xunto co Concello do Barco.

Os restaurantes: Piquiño, Agarimo, Al Natural, Casa Galaica, Restaurante Fernando III e Pazo do Castro serán os que ofrezan o menú nas súas cartas. Os interesados terán que facer reserva nos locais.

Teléfonos de reservas

Piquiño: 988 68 23 49

Agarimo: 988 32 19 35

Al Natural: 609 13 81 91

Fernando III: 988 32 03 71

Pazo do Castro: 988 34 74 23

Casa Galaica: 988 34 72 35