250 persoas reuníronse no Hotel Finisterre da Coruña para participar na XI edición da Festa do Botelo do Barco na cidade herculina. As actividades desta festa comezaban a partir das 13,00 horas, con un túnel do viño, dirixido polo equipo do experto sumiller Luis Paadín, no que se presentaron máis de 60 referencias de viños acollidos baixo a Denominación de Orixe Valdeorras.

O menú da comida estivo composto por empanada de maravallas e sopa de cocido, como entrantes, para seguir logo co prato principal, co botelo de protagonista, acompañado de chourizos, cachelos e repolo. Como sobremesa, bica. Todo, servido con vinos godello e mencía de Valdeorras, e rematado con café e selección de licores de Valdeorras.

A festa, na que o alcalde do Barco, Aurentino Alonso, deu a benvida aos asistentes, acompañado da concelleira de Cultura, Margarida Pizcueta, rematou con música en directo no propio restaurante a partir das 16,45 horas.